Електричните грејачи за термоакумулациони печки се уште една од категориите во производниот асортиман на IEG. Термоакумулационите TA печки се уреди кои имаат долга традиција и се покажале како едни од најекономичните уреди кои најмногу се користат во средини каде што постојат двотарифни системи на наплата на електрична енергија. TA печките се единствени грејни уреди кои имаат можност за акумулација на топлина за време на поевтина (пониска) тарифа за тарифирање на потрошувачката на електрична енергија. Тоа им овозможува на корисниците за време на евтината тарифа (најчесто ноќе) да ја наполнат - акумулираат топлинската енергија во печките која подоцна за време на денот ја искористуваат за загревање на домот. Во портфолиото на производи имаме и грејачи на техничка керамика. Најзастапени во асортиманот се електричните грејачи за TA печки Magnohrom, MK, Cer, AEG, Marex, Igotherm, Preporod. Во случај да во нашиот широк асортиман не сте пронашле соодветен грејач за вашата термоакумулациона печка, можете да не контактирате и за вас ќе произведеме соодветен грејач според примерокот кој ни го доставите.